León - Asturias linea
Pajaresko tunelak
Gainditu beharreko mendigunearen konplexutasun geologiko eta morfologikoagatik, Pajaresko tunelak ingeniaritzako erronka handia dira, eta, ondorioz, eraikuntza-teknika konplexu eta espezifikoak hartu behar izan dira.
Indusketa sekzio osoko indusketa mekanizatuko ekipoekin egin da (T.B.M. ingelesezko sigletan, "Tunnel Boring Machine"), tuneladora bezala ezagutzen direnak. Bost TBM erabili dira Pajaresko tunelak egiteko.
Segurtasuna da mota horretako makinek eskaintzen duten funtsezko eta lehentasunezko abantaila, tunelaren indusketa eta euspena babes-ezkutuaren barruan egiten baitira.
Segurtasun-maila handienari eusteko, tunelek interkonexio-galeriak dituzte 400 metrotik behin, eta horrek mantentze-lanak eta ebakuazio-lanak erraztuko ditu, beharrezkoa izanez gero.
Lehentasunezko geldiune bat dago 25 km-ko luzeraren erdigunean, balizko larrialdietarako ebakuazio-egoeretarako prestatua. Tren batek gorabeheraren bat izanez gero (matxura, hornidura-akatsa, etab.), leku horretan gelditu ahal izango litzateke, bidaiariek beste tren batera aldatzeko aukera izan dezaten edo Buizara sartzeko galeriaren bidez kanpora eraman ditzaten.
- Trenbide bakarreko 2 tunel
- Distantzia: 25 km
- 16,8 milesimako luzetarako beherantzko malda jarraitua, Asturiaserantz
- Sekzio biribila: 8,5 m-ko diametroa
- Gainazala: 52 m2
- Konexio-galeriak: 400 metrotik behin.
- Bi trenbieen arteko ardatzen arteko distantzia: 50 metro mendigunearen barruan
