Levanteko AHL

Adif-ek Albacete eta Alacant probintzietan egindako lanak hiru motatakoak izan dira:

Seinalizaziorako, telekomunikazio finkorako, trafikoa modu zentralizatuan kontrolatzeko eta GSM-R mugikorrerako instalazioen muntaketa Espainiako enpresa talde bati esleitu zaio, sektore publikoaren eta sektore pribatuaren arteko lankidetza-lehiaketa baten bidez. Kontratuak instalazio horiek eraikitzea eta 20 urtez mantentzea jasotzen du.

Albacete eta Alacant arteko abiadura handiko linea berriaren hasierako zatian, Almansatik gertu (72 km), gure herrialdean orain arte ikusitako trazadura eta obra-fase konplexuenetako bat egon da.

2003 eta 2006 artean zabalera iberiarreko ibilbidea hobetzen zuten saihesbideak eraiki ziren.
Tarte horietan bideratu zen abiadura handia, eta beharrezkoa izan zen zenbait zati eranstea eta antzinako trazak berreskuratzea, ohiko bidea erabat bereizia eta independentea izan zedin.

Almansa eta Encinako korapiloaren artean abiadura handiko plataforma bat ezarri da.

Encinako korapiloa Valentzia, Albacete eta Alacant probintziek bat egiten duten puntuan dago. Madril/Albacete, Valentzia eta Alacant/Murtzia konektatzen dituzten trenak banatzeko eta elkartzeko puntua da.

Tartea eraiki berri da eta Encinako saihesbidetik Monforte del Cidera doa; bertan, plataforma Alacanterantz bidebanatzen da, alde batetik, eta Elx, Orihuela eta Murtziako Eskualderantz, bestetik.

17 bidezubi eraiki dira, 8,4 km guztira. Cordel del Sax bidezubia (1.498 m), Salitre-Vinalopó bidezubia (1.481 m), Acequia del Rey gaineko bidezubia (1.394 m) eta La Encina-Alacant trenaren gaineko bidezubiak dira esanguratsuenak.

Beste eraikuntza berezien artean lau tunel ditugu, 5,4 km guztira. Luzeena Las Barrancadasetakoa da (2,8 km).

Villenako abiadura handiko geltoki berriak abiadura handia ekarri die Alacanteko barrualdeko eta Mutziako goi-lautadako eskualdeei.

Geltokia Villenatik 6 km hegoaldera eta A-31 autobiatik 2,5 km mendebaldera dago. 4.526 m2-ko azalera du eta bi nasa ditu.

Jasangarritasun integralerako irizpideak aplikatu dira geltokiaren diseinuan, eraikuntzan eta kudeaketan.

Tartearen azken zatian Alacanterako sarbidea dugu; Albacete-Alacant tartean hiri-inguruan egin den lan bakarra da.

Abiadura handiaren etorrerak eraldaketa nabarmena ekarri du Alacanteko Trenbide Arteria Sare osoan, zabalera iberiarra duten instalazioak eta zerbitzuak hobetzea ekarri baitu.

Trenak, 2 kilometro inguruko ibilbidean, hiru trenbide dituen lurpeko kanal batetik sartzen dira Alacanten: nazioarteko zabalerako bi eta zabalera mistoko bat.Jarraian, azalerara ateratzen dira, eremu berri batera: geltokiaren iparraldean dago eta sei trenbide eta hiru nasa ditu (4 UIC nazioarteko zabalerakoak eta bi zabalera iberiarrekoak).

2003ko maiatzaren 7an, Sustapen Ministerioak, Valentziako Generalitateak, Alacanteko Udalak eta RENFE eta GIF entitate publikoek Alacanteko Arteria Sarea birmoldatzeko hitzarmena sinatu zuten.

Alta Velocidad Alicante Nodo de Transportes (Avant) elkarteak finantzatu ditu Alacanteko geltokia abiadura handira egokitzeko obrak. Elkatea Sustapen Ministerioak, Adif eta Renfe Operadora bidez, Valentziako Generalitateak eta Alacanteko Udalak osatzen dute.

Enpresa-entitate publikoaren ingurumen-politikaren baitan, abiadura handiko beste saihesbide bat eraiki da, lau kilometro ingurukoa, El Villar de Chinchilla inguruko Salobralejoko urmaela babesteko (BGL gisa katalogatuta dago).

Bestalde, katenaria elektrikoan kontrapisu ekologikoak instalatu dira lehen aldiz abiadura handiko trazadura batean. Kontrapasa horiek hondakin siderometalurgiko trinkotuekin egiten dira, ohiko hondakinen burdinarekin egin ordez. Abantailen artean, fabrikazio-kostu txikiagoa izateaz gain, ingurumena errespetatzen duten konposizioa eta fabrikazio-prozesua daude, ez baitu berotegi-efektuko gasik isurtzen; gainera, erresistentzia handiagoa dago ingurumen-degradazioarekiko eta ez du hondakinik sortzen lurreko geruzan.