Liña Córdoba - Málaga
Estacións da liña
As distintas estacións da liña destacan pola súa funcionalidade para a prestación dos diferentes servizos, así como polo seu deseño arquitectónico.
Hai tres novas estacións que atenden pasaxeiros na liña Córdoba - Málaga.
A estación de Málaga, inaugurada no 2006, ocupa unha superficie de 51.377 m2, máis de cinco veces a superficie da antiga estación. Está equipada con 8 vías, cinco en ancho UIC e tres de ancho ibérico baixo unha gran cuberta metálica construída sen piares intermedios.
O complexo ferroviario integra, ademais dos espazos ferroviarios, unha zona comercial e de lecer, un hotel de catro estrelas e aparcamentos. Neste momento, é o maior centro de transporte intermodal e comercial construído en toda España, baixo a marca Vialia..
Os centros Vialia de Adif son centros de servizos integrados, onde conviven transporte, cultura, lecer e comercio, e que contribúen a facer un pouco máis doada a vida dos cidadáns. Os outros centros Vialia están situados en Bilbao, Pontevedra, Salamanca e Albacete.
Vialia María Zambrano foi un proxecto deseñado de tal xeito que no interior do recinto non hai interferencias entre uns servizos e outros e facilítase a mobilidade entre as distintas actividades que confluirán, caracterizada pola súa accesibilidade, transparencia, espazos abertos e zonas acristaladas.
É un espazo moderno aberto ao desenvolvemento da vida cidadá, onde se promoveu a Intermodalidade, xa que a alta velocidade, os trens de proximidade, os autobuses urbanos e interurbanos e o metro de Málaga están conectados entre si, unha vez que entre en servizo.
Esta estación de vangarda, inaugurada en decembro do 2006, está composta por unha gran cuberta metálica que se asemella a un paxaro que está a voar.
Ten catro vías e dúas plataformas, sobre os que está situadio o edificio de viaxeiros nun nivel elevado respecto ás vías, como unha gran pasarela de 1550 metros cadrados.
A estación de Antequera-Santa Ana converteuse no centro de distribución do tráfico ferroviario no sur de España debido aos seus cambiadores de ancho de vía. Ten cinco vías en ancho UIC e dúas en ancho ibérico.
O edificio de viaxeiros ten unha superficie total de 3500 m2. Arquitectonicamente, está construído sobre a base dunha estrutura metálica en forma de ás grandes cos seus bordos incrustados en muros de formigón, baixo unha cuberta de cinc corrugada de cinco corpos, cunha altura de entre 8 e 13 metros.
Na zona urbana de Antequera construirase unha segunda estación de alta velocidade que dará servizo aos trens que circulan pola liña de alta velocidade Antequera - Granada.