Autorización de probas na infraestrutura

A homologación e verificación do material rodante tanto polas Empresas Ferroviarias como polos fabricantes do material que non sexan obxecto de liquidación por canon, así como dos sistemas de seguridade, materiais de vía, etc. require, habitualmente, a utilización da infraestrutura titularidade de Adif Alta Velocidad e doutras das súas instalacións para realizar as probas necesarias.

Para garantir que estas se realizan cumprindo a normativa que lle é de aplicación, na sede electrónica de Adif Alta Velocidad creouse un procedemento para facilitar a coordinación das actuacións necesarias para a tramitación da solicitude, previa á realización das devanditas probas.

No formulario, ao que se accede pola sede electrónica de Adif Alta Velocidad: Sede Electrónica  (adifaltavelocidad.gob.es) atopará a información que debe facilitar para solicitar a proba correspondente.

Instrucións para a solicitude

1.    Acceder á sede electrónica de Adif Alta Velocidad mediante a seguinte ligazón: Sede Electrónica (adifaltavelocidad.gob.es)
2.    Nos Procedementos dispoñibles, seleccionar o correspondente a “Solicitude de Probas e Ensaios en Infraestruturas Ferroviarias”.
3.    Iniciar o trámite telemático clicando na icona de “Alta de solicitude”.
4.    Encher o formulario de solicitude.

Xunto á solicitude, é necesario remitir a seguinte documentación:

• No caso de persoas xurídicas: Nome e razón social da empresa solicitante xunto co seu CIF, DNI da persoa física representante legal xunto coa escritura que acredite a representación, datos da persoa de contacto e póliza do seguro de responsabilidade civil en vigor acreditando atoparse ao corrente de pago da mesma.
• No caso de Empresas Ferroviarias: número de licenza e datos da persoa de contacto.

5.    Iníciase trámite de solicitude de probas.

Na seguinte ligazón poden descargarse as condicións económicas de aplicación para a realización de probas e ensaios na infraestrutura e instalacións xestionadas por Adif e Adif Alta Velocidad.