Igualdade de xénero e diversidade

Adif comprométese a promover as condicións necesarias para unha efectiva igualdade de oportunidades entre mulleres e homes, así como a desterrar calquera tipo de discriminación. Este reto é prioritario no ámbito da xestión de persoas, a cultura corporativa e o compromiso social da entidade.

O motor de Adif son as persoas, como reflicte o Plan Estratéxico 2030, e acadar a plena igualdade e a diversidade é un dos desafíos que se marcou a empresa. Por motivos históricos e sectoriais, Adif é una empresa cun cadro de persoal maioritariamente masculino. Aínda que a representación feminina (18,67 %) vai medrando, faino máis amodo do que á entidade lle gustaría.

O obxectivo é acelerar o ritmo para que a brecha de xénero sexa cada vez menor, especialmente en determinadas profesións, e continuar coa tendencia xa iniciada de incrementar o liderado feminino, agora mesmo situado nun 24,51 %.

Iniciativas

A aposta por unha empresa diversa e inclusiva faise realidade a través das seguintes iniciativas:

Adaptación do II Plan de Igualdade de Adif. (Descargar documento)
Programa de iniciativas para o fomento da igualdade.
Colaboración co Programa Muller e Enxeñaría da Real Academia de Enxeñaría.
Participación desde 2014 na Rede de Empresas por unha sociedade sen violencia de xénero
Declaración de igualdade de oportunidades para homes e mulleres do sector do transporte Women in Transport
Participación no Target Gender Equality (Obxectivo Igualdade de Xénero) do Pacto Mundial das Nacións Unidas
Adhesión aos Principios para o Empoderamento Económico das Mulleres
Presenza na plataforma Women in Transport – EU Platform for change
Adhesión ao Manifesto Millas pola Igualdade de Oportunidades no sector da mobilidade
Participación nos programas:
- Empowering Women´s Talent
- Diversity Leading Company

Educación

Adif está estreitamente vinculado ao ámbito educativo para dar a coñecer o ferrocarril e os seus valores á poboación escolar e universitaria. Familiarizar ás xeracións máis novas coas infraestruturas ferroviarias e a seguridade, o respecto ao medio, a cohesión social, a igualdade e a diversidade, o servizo público e o apoio aos obxectivos de desenvolvemento sustentable (ODS) é un investimento de presente e de futuro para a nosa empresa.

Queremos estimular o interese polas profesións ferroviarias, especialmente pola enxeñaría e as disciplinas técnicas (STEAM), incidindo de xeito singular nas nenas e nas mulleres novas.
O noso obxectivo é atraer o talento feminino e incorporar a máis mulleres ás especialidades profesionais científico-tecnolóxicas e potenciar o liderado feminino.

E traballamos tamén por reforzar a presenza de Adif e do ferrocarril no mundo académico, colaborando con recursos humanos e pedagóxicos para difundir o concepto de mobilidade e infraestruturas sustentables e para trasladar á universidade a visión e as necesidades da empresa.

Programas

Esta aposta pola educación artéllase a través de proxectos como:

Colaboración co Programa Muller e Enxeñaría da Real Academia de Enxeñaría

IV edición do Programa de Mentoring Lidera. Nota de prensa
Muller e Enxeñaría vai ao teu cole
VI edición do Programa de excelencia para o desenvolvemento do talento STEM feminino
Mentoring cruzado con outras empresas

Adhesión á Alianza STEAM polo Talento Feminino Nenas en pé de ciencia, iniciativa dirixida a reducir a brecha de xénero existente nestas disciplinas.

Programa de prácticas profesionais en Adif

Participación no Programa “Socios por un día: mozos listos para unha estadía educativa na compañía”