A Nosa Marca

Identidade corporativa

A marca corporativa sintetiza e expresa visualmente a identidade da empresa, proxectando deste xeito os nosos valores e aspiracións. A partir dos elementos básicos da marca, desenvólvese unha linguaxe gráfica con personalidade propia que se reflicte nos diferentes medios e soportes.

O territorio visual e conceptual definido pola marca Adif Alta Velocidade identifícanos e diferéncianos, transmitindo a visión e o propósito empresarial e reflectindo a nosa proposta de valor á sociedade na que se traduce o devandito propósito. Constrúese así, tomando coma base a marca, o eixe que artella a narrativa da entidade:en Adif Alta Velocidade traballamos para mellorar a vida das persoas, asumindo e despregando un firme compromiso cun modelo de mobilidade e de sociedade que sexa realmente sostible.

Responsive Image

OS NOSOS TRAZOS IDENTITARIOS:

Os trazos identitarios fundamentais do proxecto empresarial e do noso xeito de entender o papel de Adif Alta Velocidade na sociedade son:

  • Ofrecemos un servizo público de infraestruturas ferroviarias de calidade e tecnoloxicamente avanzado, vertebrador do territorio, operado de xeito neutral nun medio liberalizado e dando prioridade á seguridade de todas as nosas operacións.
  • Realizamos unha xestión eficaz, eficiente e transparente, que aposta por unha visión estratéxica baseada na nosa responsabilidade como entidade de servizo público e orientada ao desenvolvemento sostible desde unha perspectiva integral.

A marca Adif Alta Velocidade, desde o punto de vista da súa construción gráfica, trata de proxectar os seguintes atributos e valores:

Responsive Image
Valores e atributos da marca Adif Alta Velocidade
Image link 1
Natural
As cores asociadas á natureza expresan o compromiso co medio e a dedicación de recursos ao servizo do equilibrio ambiental.
Image link 2
Sólida
A solidez da Marca reflicte a fortaleza e a seguridade dunha compañía que xestiona de forma óptima as infraestruturas ferroviarias do país, mellorando día a día e adaptándose ás novas necesidades do mercado.
Image link 3
Humana
Os trazos redondeados, amables e sen arestas falan dunha empresa aberta a todos, comprometida socialmente, dirixida por persoas para as persoas, accesible, cun trato próximo e que prevé as necesidades e expectativas de todos os cidadáns.
Image link 4
Evocadora
A Marca integra elementos que suxiren o seu ámbito de actuación:as vías que se perden no horizonte póñennos en contacto e facilitan o progreso da sociedade; a forma triangular do símbolo e a súa cor outórganlle un carácter natural e paisaxístico, ademais dunha xeometría sólida e a insinuación do A para Adif.

Oficina de Marca

A función da área de Marca Adif Alta Velocidade é dirixir e coordinar a súa estratexia de marca, desenvolvendo as ferramentas necesarias:programa de identidade visual corporativa e aplicacións da marca nos distintos ámbitos da empresa e a súa proxección externa, posicionamento estratéxico, arquitectura de marcas, etc.
Responsive Image
Responsive Image

Descarga de imaxes de Adif Alta Velocidade

Arquivos que conteñen o formato .png. nas súas dimensións 2.693 x 823 píxeles.