Oferta de Emprego Público 2025
1.451 prazas
Adif e Adif Alta Velocidad (Adif AV) dan un novo impulso ao seu plan de substitución xeracional estratéxico co lanzamento da convocatoria de Oferta de Emprego Público (OEP) de 2025, que incorporará 1048 profesionais: 1037 en Adif e 11 en Adif AV.
Do total de prazas ofertadas nesta convocatoria, 764, o que supón o 73 % do total, corresponden a persoal operativo. Na categoría de técnico ofértanse 68 prazas (6 % do total) a técnicos, e na de cadro técnico un total de 216 vacantes (21 % do total).
A convocatoria inclúe máis de 30 perfís profesionais, en ámbitos moi diversos. No que se refire ao persoal operativo, engloba perfís como os de montadores eléctricos de instalacións, axudantes ferroviarios, oficiais de telecomunicacións, delineantes, administrativos ou maquinistas, entre outros. As categorías de técnico e cadro técnico comprenden perfís nos ámbitos xurídico, económico, diversas enxeñarías, arquitectura, etc.
O prazo de presentación de solicitudes iníciase o 17 de xullo e prolongarase até o 7 de agosto de 2025. As bases atoparanse dispoñibles nas seguintes ligazóns
O lanzamento da convocatoria enmárcase no Plan Plurianual de Emprego, co que Adif e Adif AV incorporarán máis de 6000 profesionais que tomarán o relevo do 50 % do persoal, na maior oferta de emprego da súa historia.
Descrición dos postos
Prazas de técnico para profesionais licenciados ou cun grao e, ademais, cun Máster Universitario.
- Xurídica: traballarás para a axeitada aplicación da normativa en cada unha das nosas actuacións.
- Económica: xestionarás a tesouraría, os orzamentos de explotación e investimento e os fondos europeos.
- Xestión: orientarás os recursos humanos, financeiros e materiais para cumprir os obxectivos.
- Comunicación: contribuirás a xestionar o posicionamento da compañía e porás en valor ás súas actividades e profesionais.
- Medicina do traballo: xestionarás os programas e servizos de saúde e seguridade no traballo.
- Comercialización: desenvolverás a política comercial e contribuirás a dar impulso ás novas liñas de negocio.
- Arquitectura: desenvolverás os proxectos básicos e de execución para transformar as nosas estacións en nodos estratéxicos da mobilidade do futuro.
- Enxeñaría Civil, Industrial, Telecomunicación e Informática: farás realidade as nosas infraestruturas e a súa capacidade transformadora nos territorios.
